LOCAL NEWS : ಅಪ್ಪಟ ಗ್ರಾಮೀಣ ಕ್ರೀಡಾಪಟು  ಹಾಗೂ ಕ್ರಿಕೆಟ್ ಆಟಗಾರನಾದ ತಳಾ ಅಲಿಯಾಸ್ ಮತ್ತುರಾಜ್ ನಿಧನ..!

 ಪ್ರಜಾ ವೀಕ್ಷಣೆ ಡಿಜಿಟಲ್ ಸುದ್ದಿ : 

ಕುಕನೂರು : ಕುಕನೂರ ತಾಲೂಕಿನ ಕ್ರೀಡಾಪಟು, ಅಪ್ಪಟ ಗ್ರಾಮೀಣ ಕ್ರಿಕೆಟ್ ಆಟಗಾರರಾದ ತಳಾ ಅಲಿಯಾಸ್ ಮುತ್ತುರಾಜ್ (35) ಅವರ ಹಠಾತ್ ನಿಧನದಿಂದ ಉತ್ತಮ ಕ್ರೀಡಾಪಟುವನ್ನ ತಾಲೂಕು ಕಳೆದುಕೊಂಡಂತಾಗಿದೆ.

ಕುಕನೂರು ಪಟ್ಟಣದ ಜವಳದ ನಗರದಲ್ಲಿ ವಾಸವಿದ್ದ ಈತನು ಕುಕನೂರು ಪಟ್ಟಣ ಪಂಚಾಯತಿಯಲ್ಲಿ ನೀರು ಗಂಟಿಯಾಗಿ ಕೆಲಸ ನಿರ್ವಹಿಸುತ್ತಿದ್ದನು.

ಕೆಲವು ದಿನಗಳಿಂದ ಅನಾರೋಗ್ಯದ ಪೀಡಿತರಾಗಿದ್ದ ಇವರು ಇಂದು ಬೆಳಗಿನ ಜಾವ ಮೃತ ಹೊಂದಿದ್ದಾರೆಂದು ಅವರ ಕುಟುಂಬದ ಮೂಲಗಳಿಂದ ಮಾಹಿತಿ ತಿಳಿದು ಬಂದಿದೆ.

ಕುಕನೂರು ಪಟ್ಟಣ ಪಂಚಾಯಿತಿಯಲ್ಲಿ ಪೌರಕಾರ್ಮಿಕನಾಗಿ ನೀರು ಗಂಟೆಯಾಗಿ ಕೆಲಸ ನಿರ್ವಹಿಸಿದ ಇವರು, ಧರ್ಮಪತ್ನಿ ಹಾಗೂ ಇಬ್ಬರು ಮಕ್ಕಳನ್ನು ಅಗಲಿದ್ದಾರೆ.  ಪೌರಾಡಳಿತ ಹಾಗೂ ನಗರಭಿವೃದ್ಧಿ ಇಲಾಖೆಯಿಂದ ಅವರ ಕುಟುಂಬಕ್ಕೆ ಸೂಕ್ತ ಪರಿಹಾರ ಹಾಗೂ ಅವರ ಪತ್ನಿಗೆ ಡಿ ದರ್ಜೆಯ ಯಾವುದಾದರೂ ಸರ್ಕಾರಿ ಕೆಲಸ ಕೊಡಬೇಕೆಂದು ಅವರ ಕುಟುಂಬದ ಹಾಗೂ ಅವರ ಹಿತೈಷಿಗಳ ಆಗ್ರಹ ಕೂಡ ಆಗಿದೆ.

ಒಂದು ವೇಳೆ ಡಿ ದರ್ಜೆಯ ಕೆಲಸ ಕೊಟ್ಟಿದ್ದೆ ಆದಲ್ಲಿ ಮೃತನ ಕುಟುಂಬಕ್ಕೆ ಆರ್ಥಿಕ ಸಹಾಯ ಹಾಗೂ ದಿಕ್ಕೆ ಇಲ್ಲದ ಕುಟುಂಬಕ್ಕೆ ಆಸರೆ ಕೂಡ ಆಗುತ್ತದೆ ಎಂದು ಸಾರ್ವಜನಿಕರು ಅಭಿಪ್ರಾಯ ಪಟ್ಟಿದ್ದಾರೆ.

 ಮುತ್ತುರಾಜ್ ಕ್ರಿಕೆಟ್ ಆಟಗಾರನಾಗಿ ಸುಪ್ರಸಿದ್ದ

ಕೊಪ್ಪಳ ಜಿಲ್ಲೆಯಾದ್ಯಂತ ಎಲ್ಲೇ ಕ್ರಿಕೆಟ್ ಟೂರ್ನಮೆಂಟ್ ನಡೆದರೂ ಕೂಡ ಕುಕನೂರು ತಂಡ ಹಾಗೂ ವಿವಿಧ ಗ್ರಾಮೀಣ ತಂಡಗಳಲ್ಲಿ ಆಡಿ ಗ್ರಾಮೀಣ ಕ್ರಿಕೆಟ್ ಅಥವಾ ಗಲ್ಲಿ ಕ್ರಿಕೆಟ್ ನಲ್ಲಿ ತಮ್ಮದೇ ಆದಂತ ಒಂದು ಕೊಡುಗೆ ಕೂಡ ಇವರು ನೀಡಿದ್ದಾರೆ. ಇತ್ತೀಚಿಗೆ ಕೆಟಿಪಿಎಲ್ ಸೀಸನ್ ಒಂದರಲ್ಲಿ ಸಿದ್ದಲಿಂಗೇಶ್ವರ ಬುಲ್ಸ್ ಯಡಿಯಾಪುರ ತಂಡದಲ್ಲಿ ಸ್ಥಾನವನ್ನು ಗಿಟ್ಟಿಸಿಕೊಂಡು ಆಟವಾಡುತ್ತಿದ್ದರು.

ಇವರ ಬ್ಯಾಟಿಂಗ್ ಸ್ಟೈಲ್ ಗೆ ಮರುಳಾದ ಜನಾನೇ ಇಲ್ಲ, ಕಳೆದ ಕೆಲವು ವರ್ಷಗಳ ಹಿಂದೆ  ಬ್ಯಾಟಿಂಗ್ ಮಾಡಲು ಆನ್  ಸ್ಟ್ರೈಕ್ ನಲ್ಲಿದ್ದಾಗ ಸಾಕಷ್ಟು ಜನ ಇವರನ್ನ ಹುರುದುಂಬಿಸಿ ಇವರ ಆಟವನ್ನು ನೋಡುವುದಕ್ಕಾಗಿ ಸಾಕಷ್ಟು ಜನ ಬರುತ್ತಿದ್ದರು. ಎದುರಾಳಿ  ತಂಡದ ಬಾಲಾರ್ಗಳ ನಿದ್ದೆಗೆಡಿಸಿದ್ದ ತಳ ಅಲಿಯಾಸ್ ಮುತ್ತುರಾಜ್ ಕ್ರಿಕೆಟ್ ನಲ್ಲಿ ಬಹಳಷ್ಟು ಸಾಧನೆ ಮಾಡಬೇಕಂಬ ಹಂಬಲ ಇವರಲ್ಲಿತ್ತು. ಆದರೆ ಇತ್ತೀಚಿನ ದಿನಗಳಲ್ಲಿ ಇವರ ಆರೋಗ್ಯದಲ್ಲಿ ಏರುಪೇರಾಗಿ ಕ್ರಿಕೆಟ್ ಆಟವನ್ನೇ ತ್ಯಜಿಸುವಂತ ಹಂತದಲ್ಲಿ ಇದ್ದರು. ಆದರೂ ಸಹಿತ ಶತ ಪ್ರಯತ್ನದಿಂದ ಕುಕನೂರು ತಾಲೂಕು ಪ್ರೇಮಿಯರ್ ಲೀಗ್ ಸೀಸನ್ ಒಂದರಲ್ಲಿ ಒಂದು ತಂಡದವನ್ನು ಸೇರಿಕೊಂಡಿದ್ದರು.