PV NEWS : ‘ಈ ರಾಖಿ ನಿಮ್ಮನ್ನು ರಕ್ಷಿಸಲಿ’: ಸಚಿವ ರಾಯರಡ್ಡಿಗೆ ರಾಖಿ ಕಟ್ಟಿದ ವೃದ್ಧೆ!!
PV NEWS ಕನ್ನಡ 24×7
ಯಲಬುರ್ಗಾ, ಸೆ. 1: ರಕ್ಷಾ ಬಂಧನದ ಅಂಗವಾಗಿ ಯಲಬುರ್ಗಾ ತಾಲ್ಲೂಕಿನ ಬೋದೂರು ಗ್ರಾಮಕ್ಕೆ ಮಂಗಳವಾರ ಭೇಟಿ ನೀಡಿದ್ದ ಉನ್ನತ ಶಿಕ್ಷಣ ಸಚಿವ ಬಸವರಾಜ ರಾಯರಡ್ಡಿ ಅವರಿಗೆ ವಯೋವೃದ್ಧೆಯೊಬ್ಬರು ರಾಖಿ ಕಟ್ಟಿ ಶುಭ ಹಾರೈಸಿದರು.
ಗ್ರಾಮಕ್ಕೆ ಸಚಿವರು ಆಗಮಿಸಿ ಜನರೊಂದಿಗೆ ಮಾತನಾಡುತ್ತಿದ್ದ ವೇಳೆ ವೃದ್ಧೆಯೊಬ್ಬರು ತಾವು ತಂದಿದ್ದ ರಾಖಿಯನ್ನು ಸಚಿವರ ಕೈಗೆ ಕಟ್ಟಿ, ಹಣೆಗಿಟ್ಟು ಶುಭ ಕೋರಿದರು. ಸಚಿವರು ವೃದ್ಧೆಯ ಆಶೀರ್ವಾದ ಪಡೆದು, ಅವರ ಕೈಯಿಂದ ಸಿಹಿ ಸ್ವೀಕರಿಸಿದರು.
‘ನೀವು ನಮ್ಮ ಊರಿಗೆ ಬಂದಿರುವುದು ಸಂತಸ ತಂದಿದೆ. ಈ ರಾಖಿ ನಿಮ್ಮನ್ನು ರಕ್ಷಿಸಲಿ. ನಿಮಗೆ ಒಳಿತಾಗಲಿ’ ಎಂದು ವೃದ್ಧೆ ಹಾರೈಸಿದರು. ಇದಕ್ಕೆ ಸಚಿವರು ಕೃತಜ್ಞತೆ ಸಲ್ಲಿಸಿದರು.
ಬಳಿಕ ಗ್ರಾಮದ ಮುಖಂಡರು ಹಾಗೂ ಪ್ರಮುಖರು ಸಚಿವರೊಂದಿಗೆ ಗ್ರಾಮದ ಅಭಿವೃದ್ಧಿ ಮತ್ತು ಸ್ಥಳೀಯ ಸಮಸ್ಯೆಗಳ ಕುರಿತು ಚರ್ಚಿಸಿದರು. ಗ್ರಾಮಸ್ಥರ ಅಹವಾಲುಗಳನ್ನು ಆಲಿಸಿದ ಸಚಿವರು, ಸಮಸ್ಯೆಗಳ ಪರಿಹಾರಕ್ಕೆ ಅಗತ್ಯ ಕ್ರಮ ಕೈಗೊಳ್ಳುವುದಾಗಿ ಭರವಸೆ ನೀಡಿದರು.
