BREAKING : ಇಂದಿನಿಂದ ಹೊಸ UPI ನಿಯಮಗಳು ಜಾರಿ : ಎನ್ಪಿಸಿಐನಿಂದ ನಿಯಮಗಳು ಜಾರಿ..!!
ಪ್ರಜಾ ವೀಕ್ಷಣೆ ಡಿಜಿಟಲ್ ಡೆಸ್ಕ್ : ಇಂದಿನಿಂದ (ಅಗಸ್ಟ್ 1ರಿಂದ) ಯುಪಿಐ ನಿಯಮಗಳು ಜಾರಿಗೆ ಬರಲಿವೆ ಎಂದು ತಿಳಿದು ಬಂದಿದೆ. ಈ ನಿಯಮಗಳು ಯುಪಿಐ ಅಪ್ಲಿಕೇಶನ್ಗಳ ದಕ್ಷತೆಯನ್ನು ಮತ್ತಷ್ಟು ಹೆಚ್ಚಿಸುತ್ತವೆ ಮತ್ತು ಬಳಕೆದಾರರನ್ನು ವಂಚನೆಯಿಂದ ರಕ್ಷಿಸುತ್ತವೆ ಎಂದು ತಿಳಿಸಿವೆ.
ನ್ಯಾಷನಲ್ ಪೇಮೆಂಟ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ (ಎನ್ಪಿಸಿಐ) ಜಾರಿಗೆ ತಂದ ಈ ನಿಯಮಗಳು ಗೂಗಲ್ ಪೇ, ಫೋನ್ಪೇ ಅಥವಾ ಪೇಟಿಎಂನಂತಹ ಎಲ್ಲಾ ಪಾವತಿ ಸೇವಾ ಪೂರೈಕೆದಾರರಿಗೆ ಅನ್ವಯಿಸುತ್ತವೆ ಎಂದು ಹೇಳಬಹುದು.
ಇಂದಿನಿಂದ ಹೊಸ ನಿಯಮಗಳು ಬ್ಯಾಂಕ್ ಬ್ಯಾಲೆನ್ಸ್ ಪರಿಶೀಲಿಸುವುದು, ಸ್ವಯಂ ಪಾವತಿಗಳನ್ನು ಪ್ರಕ್ರಿಯೆಗೊಳಿಸುವುದು ಮತ್ತು ಬ್ಯಾಂಕ್ ವಿವರಗಳನ್ನು ಪ್ರವೇಶಿಸುವಂತಹ ಚಟುವಟಿಕೆಗಳನ್ನು ನಿಯಂತ್ರಿಸುತ್ತವೆ. ಅದೇ ರೀತಿ ಈ ಎಲ್ಲಾ ಬದಲಾವಣೆಗಳನ್ನು ಮೇ 21 ರಂದು ಎನ್ಪಿಸಿಐ ಹೊರಡಿಸಿದ ಸುತ್ತೋಲೆಯಲ್ಲಿ ಉಲ್ಲೇಖಿಸಲಾಗಿದ್ದು, ಈ ಬದಲಾವಣೆಗಳು ಯುಪಿಐ ಅಪ್ಲಿಕೇಶನ್ಗಳ ಕಾರ್ಯಕ್ಷಮತೆಯನ್ನು ಸುಧಾರಿಸುತ್ತವೆ ಎಂದು ಎನ್ಪಿಸಿಐ ಹೇಳಿದೆ.
-:ಹೊಸ ನಿಯಮ ಪ್ರಕಾರ ಬ್ಯಾಲೆನ್ಸ್ ಚೇಕ್ ವಿಚಾರಣೆ:-
ಪ್ರತಿ ಯುಪಿಐ ಅಪ್ಲಿಕೇಶನ್ ಬಳಕೆದಾರರಿಗೆ ತಮ್ಮ ಬ್ಯಾಂಕ್ ಬ್ಯಾಲೆನ್ಸ್ ಅನ್ನು ದಿನಕ್ಕೆ 50 ಬಾರಿ ಪರಿಶೀಲಿಸಲು ಅನುವು ಮಾಡಿಕೊಡುತ್ತದೆ. ಅದು ಅಲ್ಲದೇ ಗರಿಷ್ಠ ಸಮಯದಲ್ಲಿ ಯುಪಿಐ ಮೇಲಿನ ಹೊರೆಯನ್ನು ಕಡಿಮೆ ಮಾಡಲು ಯುಪಿಐ ಅಪ್ಲಿಕೇಶನ್ಗಳು ಬ್ಯಾಲೆನ್ಸ್ ವಿಚಾರಣೆ ವಿನಂತಿಗಳನ್ನು ಮಿತಿಗೊಳಿಸಲು ಅಥವಾ ನಿಲ್ಲಿಸಲು ಸಾಧ್ಯವಾಗುತ್ತದೆ. ಬಳಕೆದಾರರು ಪ್ರತಿ ವಹಿವಾಟಿನೊಂದಿಗೆ ತಮ್ಮ ಖಾತೆಯಲ್ಲಿ ಲಭ್ಯವಿರುವ ಬ್ಯಾಲೆನ್ಸ್ ಅನ್ನು ನೋಡಲು ಸಾಧ್ಯವಾಗುತ್ತದೆ ಎಂದು ತಿಳಿಸಿದೆ.
